Prentsa Aretoa

2017/05/17

Legazpin trenbidearen bereizketa egitea aztertzeko konpromisoa atera dio EAJk Adif-i, geralekua geltoki bihurtuko lukeena

Maria Eugenia Iparragirre eta Koldobike Olabide alkatea tren garraioaren kudeaketa egiten duen erakundearen presidentearekin batzartu dira gaur goizean.

rss Ezagutzera eman
Legazpin trenbidearen bereizketa egitea aztertzeko konpromisoa atera dio EAJk Adif-i, geralekua geltoki bihurtuko lukeena

ARGAZKIA JAITSI

Legazpin trenbidearen bereizketa egiteko aukera berehala aztertuko duelako konpromisoa helarazi die Adifeko presidenteak Legazpiko alkatea den Koldobike Olabideri eta EAJko senataria den Maria Eugenia Iparragirreri. Gaur goizean erakundeko goi karguekin Madrilen egin duten bileran Juan Bravok azaldutakoaren araberako lanek geralekua geltoki bihurtzea eragingo lukete; honenbestez, trenen sarritasuna areagotuko litzateke eta azpiegituraren segurtasuna eta irisgarritasuna hobetuko lirateke.

Irisgarritasuna hobetze aldera 2015ean nasak zabaltzeko Adifek onartu zen proiektua oraindik gauzatu gabe dagoela ikusita, EAJk aukera osatuagoa planteatu zion erakundeari. Horren aurrean, tren azpiegituretako erakunde administratzaileko presidenteak lantzen ari diren egitasmoa azaldu die ordezkari jeltzaleei: mendi magalaren aldean hirugarren trenbidea eraiki nahi dute, baita lurrazpiko pasabidea eta igogailua ere, orain arte bezala, erabiltzaileek trenbide gainetik oinez zeharkatu beharra saihesteko.  

Koldobike Olabidek hirugarren trenbide hori hirigunearen aldetik ere aztertzeko aukera ere eskaini die Adifeko kideei, horrela egitasmoa errazago edo merkeago egin daitekeela irizten badiote. Alkatearen aburuz, hobekuntza hau egitea ezinbestekoa da. “Ez dago gure tamainako hirigunerik, guk trenari ematen diogu erabilerarekin gainera, geltokirik ez duenik. Horrela, Donostiarekin lotzen gaituzten trenen sarritasuna handitzeaz gain, batez ere erabiltzaileen segurtasuna eta irisgarritasuna hobetzeko aukera daukagu”.

Izan ere, proiektu honekin Legazpitik Donostiarako trenen sarritasuna %40 haziko litzateke, gaur egun orduro dagoen sarritasunetik ordu erdikoa izatera pasatuko litzatekeelako, hurbil dagoen Zumarragak duen bezala. Azterketen arabera, Legazpiko geralekuan trena hartzen dutenen kopurua %16 hazi zen 2013tik 2015era bitartean, herritarrek trenaren aldeko apustua egiten dutela argi utziz.

Adifeko presidenteak aurreratu duenez, Gipuzkoako delegazioko kideei geralekura berehala joan daitezela aginduko die bertatik bertara lanak egiteko aukera azter dezaten; gainera, Renferi ere sarritasuna eta erabiltzaileak areagotzeak inbertsioaren itzuleran izango lukeen eragina aztertzeko eskatuko diola jakinarazi du Juan Bravok.

Aberri Eguna 2017
Alderdi Eguna
Jarrai iezaguzu Telegramen
  • Jokin Bildarratz

    Jokin Bildarratz

    Senatuko Euzko Legebiltzar Taldearen bozeramailea

    SARTU

  • Mª Eugenia Iparragire

    Mª Eugenia Iparragire

    Senatuko Euzko Legebiltzar Taldea

    SARTU

  • Jose Mª Cazalis

    Jose Mª Cazalis

    Senatuko Euzko Legebiltzar Taldea

    SARTU

  • Nerea Ahedo

    Nerea Ahedo

    Senatuko Euzko Legebiltzar Taldea

    SARTU

  • Victoriano Gallastegi

    Victoriano Gallastegi

    Senatuko Euzko Legebiltzar Taldea

    SARTU

  • Mª Dolores Etxano

    Mª Dolores Etxano

    Senatuko Euzko Legebiltzar Taldea

    SARTU