Goi Ganberako Osoko Bilkurak Hezkuntza Lege Organikoa onartu zuen atzo gauean. Testua pasaden astean ospatu zen Hezkuntza Komisioan eztabaidatu ondoren, Senatuko legebiltzar talde ezberdinek beraien jarrera azaldu zuten gaur egun indarrean dagoen legea aldatzen duen testuaren inguruan.

Javier Maquedak bere parte hartzean eskumenak banatzearen beharra azpimarratu zuen; izan ere, “testuak Estatuari Erkidegoei dagozkien eskumenak egozten dizkio”. Zentzu honetan, senatari jeltzaleak kurrikuloaren diseinua, beka ezberdinen kontzesioa eta irakaslegoaren inguruko gaiak kritikatu zituen.

Hori guztia dela eta, Maqueda senatariak bere desadostasuna azaldu zuen onartutako testuaren inguruan, “Legeak EAJk hezkuntza alorrean dituen helburu guztiak ez baititu betetzen”.

Gogora dezagun Senadore Jeltzaleen Legebiltzar Taldeak, Komisioan sei emendakin onartu ondoren, 20 boz partikular aurkeztu zituela Javier Maqueda bozeramalearen bitartez.