Luke Uribe-Etxebarria EAJ-PNVko senatariak Diana Morant Zientzia, Berrikuntza eta Unibertsitate ministroari galdetuko dio, datorren asteartean, Espainiako Gobernuari egingo zaion kontrol saioan, 2026an zer-nolako aurrerapausoak ematen ari diren atzerriko unibertsitate tituluen homologazioei eta baliokidetasun adierazpenei dagokienez. Senatari abertzaleak gai horren berri emango dio unibertsitateetako ministerio-arduradunari, bere garaian adierazi baitzuen 2026an aurrerapen handiak egingo zirela.

Iazko abenduan, Uribe-Etxebarriak Morant ministroari eskatu zion atzerriko unibertsitate-tituluen homologazio prozesua eta Estatuko tituluen baliokidetasun deklarazioa bizkortzeko. "Presazkoa da. Prozedurak arinagoa izan behar du ezarritako sei hilabeteko epea ez gainditzeko, eta Eusko Jaurlaritzak eskabide horiek izapidetzeko eta baloratzeko duen eskumen betearazlea aitortu behar du". "Kezka handia da milaka migratzaileren artean, unibertsitate tituluak aitortuak izateko eskubidea eta erabat kualifikatuta dauden lanbide jakin batean aritzeko eskubidea urratzen baitzaie", azaldu zuen senatari jeltzaleak.