Espainiar estatuko Goi Ganbarako ordezkaritza pasaden ostiralean joan zen Filipinetara bi herrialdeen arteko II Tribuna ospatzeko asmoz. Gainera, bertako autoritateekin hitz egiteko parada izan dute. Horien artean, Gloria Macapagal azpimarra dezakegu, eta baita Manny Villar Senatuko presidentearekin izandako bilera ere. Honen harira, Víctor Bravok “Filipinetako Senatuak duen “botere eta ahalmena” nabarmendu nahi izan du. “Espainiako Senatuak ez du horrenbesteko garrantzia”, esan du senatariak.


Halaber, euskal familietako ondorengoekin ere bildu da Bravo; pertsona hauek, Filipinetako errealitate sozio-politiko eta kultura azaldu diote; senatariaren hitzetan, “ezinbestekoa da Filipinekin erlazioak areagotzea”, euskaldun ugari baitago bertan.


Bukatzeko, Paco Larrañagaren gurasoei EAJren elkartasun eta solidaritatea ere azaldu die. Gogora dezagun prozesua bere azken fasean dagoela eta Larrañagak bere zigorra espainiar Estatuan betetzeko aukera izango duela. Larrañagaren gurasoek eskerrak eman dizkiote bai EAJri eta Ibarretxe Lehendakariari bereziki.