Ordezkari jeltzalearen esanetan, jokabide hau hauteskundeei begira daudelako baino ez da. “Boto gutxi batzuk lortzeko egiten du. Nola izan daiteke Diputatuen Kongresuan Lege Proposamena aurkezten duena Katalunian Alderdi Popularreko hautagaia izatea?”, galdetu du.

Goi Ganberan EAJren bozeramailearen arabera, “hiritarrek polituko guztioi eskatzen digutena adostasunak dira, eta hori da bilatu eta aurkitu behar duguna; gainontzeko guztia ezertan laguntzen ez duen eta ezer konpontzen ez duen helburu elektorala baino ez da”.

“Arazo politiko baten aurrean gaude”, azpimarratu du Bildarratzek, Katalunian bizi den egoeraren sorrera bilatzerakoan. “Arazoa sortzen da Kataluniako Parlamentuak %90eko adostasunarekin Estatutu bat onartu ostean, Kongresu eta Senatuan eztabaidatu eta onartu ostean, eta erreferendum bitartez herritarrek onartu eta gero, Auzitegi Konstituzionalak oinarrizko puntuak zuzentzen dizkionean. Alderdikeriaz jokatu eta Gobernuan dagoen Alderdiaren mezulari moduan aritzen den Auzitegi Konstituzional honi eman nahi zio Artur Mas gaitasunik gabe uzteko boterea?”, galdetu du.