EAJ-PNVko senatari Nerea Ahedok Yolanda Diazi jakinarazi dionez, estaldura zaileko lanbideen katalogoa osatzen duen zerrenda ez dator bat gaur egun gehien eskatzen diren lanbideekin. Gaurko kontrol-saioan, ordezkari jeltzaleak zalantzan jarri du zerrenda hori egiteko prozedura egokia ote den. "Hasiera baten, tresna ona da, bai beharrezko profilak betetzeko, bai migratzaileei bizileku- eta lan-baimenak errazteko", nabarmendu du Ahedok. "Eta ez naiz soilik jatorrizko kontratazioaz ari, baizik eta dagoeneko jende asko dugula hemen lanean eta eskaintzan defizita omen dagoelako katalogoan agertzen ez diren lanpostuak betetzen. Zertarako balio du, existitzen direla eta eskaria dagoela badakigu? Legeak funtzionatzen ez duenean, aldatzeko dago ".

Ahedo senatariak ekimena sektore askori begira aurkeztu duen arren, etxeko eta zaintzako langile migratzaileen egoeran gelditu da bereziki. Ia soilik emakumeek betetzen dituzten okupazio hauek, Katalogoan ez sartzeak egoera erregularizatzea eta bizileku-lanak eta -baimenak lortzea ia ezinezko egiten du, prekarizazio- eta kalteberatasun-egoeran jarriz. "Bi aldiz diskriminatzen dira: emakumeak izateagatik eta etorkinak izateagatik, eta, gainera, inork nahi ez dituen lanak egiten dituztelako, eta Katalogoan jasotzen ez direnez, gainera, badirudi ez direla beharrezkoak", amaitu du.