Next Euskadi

Prentsa Aretoa

2024/06/04

Estefanía Beltrán de Herediak mahastizaintza eta ardogintza sektorearen krisia konpontzeko neurriak hartzeko eskatu dio Nekazaritza ministroari

EAJ-PNVko bozeramaileak adierazi du kezkatuta dagoela Arabako Errioxako mahastizainen egoeragatik; izan ere, salmenta-prezioak jaitsi egin dira ekoizpen-kostuak igo diren aldi berean

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

Senatuko Euskal Talde Parlamentarioko bozeramaile Estefanía Beltrán de Herediak Luis Planas ministroari eskatu dio bere eskumen-eremuari dagozkion beharrezko neurriak har ditzala mahastizaintzaren eta ardogintzaren sektoreak pairatzen duen krisia konpontzeko. Gaurko osoko bilkuran Nekazaritza, Arrantza eta Elikadura ministroari egin dion galderan, Beltran de Herediak EAJ-PNVren ardura adierazi dio Errioxa Jatorri Deituraren egoeragatik. Gainerako Jatorrizko Deiturako ardoen antzera, salmentek behera egin dute eta prezioak jaitsi egin dira, aldi berean ekoizpen-kostuak igo diren bitartean. "Eskaintzaren eta eskariaren artean erabateko desoreka dago, eta ezin da ezer egin gabe egon, merkatuak berak ekoizpena arautuko duelakoan, ehunka familia-ustiategi jardueratik kanporatuz, horiek baitira, gainera, Euskadin eraldaketaren oinarria eta ardatza", adierazi du senatari jeltzaleak.

Beltran de Herediak jakinarazi duenez, Eusko Jaurlaritzak eta Arabako Foru Aldundiak hainbat laguntza ezarri dituzte: errendimenduen galerengatik, aseguruak kontratatzeagatik, mahasti zaharrentzat, destilaziorako eta mahats-bilketa berderako. “Deigarria da mahats-bilketa berdearengatik ematen den laguntza, tradizionalki Errioxa izendapenean gaizki hartutako neurria dena, aurten mahastien azaleraren %12 baino gehiago erabili dutela, eta horietatik erdia baino gehiago lehentasunezko ustiategietakoa eta/edo nekazari gazteena da". Azpimarratu duenez, "horrek agerian uzten du sektoreak bizi duen egoera kritikoa".

Errioxa Jatorrizko Deituraren antolamendua Nekazaritza Ministerioari dagokio, erkidegoz gaindikoa delako, eta %6,6ko galerak izan ditu esportazioan, eta prezioak 5,5 eurora jaitsi dira batez beste litroko. Senatari jeltzaleak adierazi duenez, egoera horrek, upeltegiei eragiteaz gain, "eragin izugarria du katearen azken mailan, ahulenean, hau da, mahastizainenean, merkatuko prezioen jaitsiera bere gain hartu behar dutelako eta, aldi berean, kostuen % 20tik gorako igoera jasan behar dutelako".

Next Euskadi
Ezagutu Gure Senatariak