Senatuko Hezkuntza Komisioa gaur arratsaldean hasi da Hezkuntza Lege Organikoa eztabaidatzen. Kongresuko osoko bilkuran pasaden abenduan onartu ondoren, testuak bi beto jaso ditu Goi Ganberan

Bi proposamenak gaitzetsi ondoren, Javier Maqueda EAJko senatariak azpimarratu duenez, “hezkuntza eskubidea sistema demokratikoak duen oinarri garrantzitsuenetakoa da, eta ezinbestekoa da zaintzea”.

Aurkeztutako emendakinen inguruan – 27- Senadore Jeltzaleen Legebiltzar Taldeak eskumenen gaia nabarmendu du. Honen haritik, senatari jeltzaleak “hezkuntza alorrean Autonomia Erkidegoek duten ekumena errespetatzea” eskatu du. Maquedak adierazitakoaren arabera, “EAJ hezkuntza sistema bakarraren aurka azaltzen da”, eta “estatu espainiarreko hezkuntza sistema plurinazional eta plurilinguistikoan ezinbestekoa da lurraldeen konpetentziak errespetatzea”.

Bukatzeko, Hezkuntza Komisioan EAJko bozeramaleak kurrikuluaren inguruan ere hitz egin du; honen aurrean, “sistema Europako marko berrira egokitzeko saiakerak egiteko beharra” baietsi du.