Gaur goizean hasi den kontrol saioan, Osasun Sailean bozeramale den Inmaculada Loroñok Gaixotasun Arraroen Zentro Nazionalak izango duen eginkizunari buruz galdetu dio Caldera Ministroari.

Bere mintzaldian, senatari jeltzaleak Autonomia Erkidegoek duten informazio gabezia salatu du, eta hauekin kontatzea ezinbestekotzat jo du. Gainera, zentro honek eskatzen duen kualifikazio eta espezializazio altua dela eta, Loroño senatariak proiektua Osasun eta Lan Sailen artean koordinatzea ezinbestekoa dela azpimarratu du, gaixotasun hauek osasun eta giza arloekin erlazioa baitute.

Bukatzeko, Loroño senatariak Ministroari aurrerantzean Zentro honek Autonomia Erkidego eta Lan eta Osasun Sailarekin lan zuzena egin dezan eskatu du.Era berean, Carlos III Institutuak egin dezakeen ikerketa lana kontuan hartzea eskatu du, eta baita Osasunerako Ikerketa Fondoaren eginkizuna ere.

Obrak urte honetako bigarren seihilabetean izango dira, eta finantziazioa Estatuko Aurrekontu Orokorretik aterako da; hiru urtetan hain zuzen; zentroak 64 plaza izango ditu.