Senadore Jeltzaleen Legebiltzar Taldean Xabier Albistur izan da alderdiaren iritzia azaldu duena.

Bere mintzaldian, senatari abertzaleak “zero defizita” lortu izana zoriondu dio Zapateroren exekutiboari; aitzitik, datu positibo hau egoeraren araberakoa dela esan du, eta ez diseinu ekonomikoaren ondorioa, “zuhurregia eta kontserbadoregia” dela baietsiz.

Edozein kasutan, EAJko ordezkariak Ekonomia ministeritzak landu beharreko hainbat gai eman ditu aditzera; inflazioa, interes tipoen igoera, dependentzia energetikoa, KPIa eta familien gehiegizko zorra.

Amaitzeko, Albistur senatariak Autonomia Erkidegoekin koordinazioa areagotzeko eskatu du, banaketa objektibo eta eraginkorra lor dadin.