Gaur goizean Senatuan hasi den kontrol saioan, Javier Maqueda, EAJko senatariak Calvo Poyato Kultura Ministrari Gobernuak Salamancako dokumentuak Euskadira eramateko epeei buruz galdetu dio.

Senatari jeltzaleak, bere mintzaldian, hainbat argudio azaldu ditu dokumentuen buelta eskatzeko. Horien artean, bai Eusko Jaurlaritzak eta baita partikularrek ere Kultura Ministeritzaren aurrean dokumentuen jabetza frogatu dutela baietsi du.

Kataluniako kasuari erreferentzia argia eginez, senatari jeltzaleak euskaldunek jasotako tratu ezbedintasuna gogorki salatu du; ezin ahantz dezakegu Kataluniako instituzioek ekainean berreskuratu zituztela beraien dokumentuak.

Kultura Komisioan EAJko bozeramaleak argi utzi nahi izan du eskaera hau ez dela EAJrena soilik; izan ere, duela hiru aste Eusko legebiltzarreko talde guztiek ekimen hau babestu baitzuten.

Maiatzaren 24an ospatu zen Osoko Bilkuran, Kultura titularrak euskal instituzioetako ordezkariekin bilera mantentzeko hitza eman zuen; sei hilabete beranduago, aitzitik, ez da inolako bilerarik ospatu.
.
Saio hartan, Kultura Ministrak Gobernua 2005eko azaroan onartutako legea betetzera mugatzen ari zela esan zuen; lege honen arabera, dokumentuak bueltatzeko ezinbestekoa da dokumentuen jabetza frogatzea.