Victor Bravok, Goi Ganberan EAJko Nekazaritza eta Arrantza Komisioko bozeramaleak hainbat adierazpen egin du Europako Batasunak onartu berri duen akordioarekin erlazionatuta. Honen arabera, Europako Batasuneko Ministro Kontseiluak antxoen kalak ekainera bitartean itxita mantentzea onartu du, baina apirilaren 15etik ekainaren 15era bitartean “arrantza esperimentala” aurrera eramatea onartu du; prozesu honetan Kantauriar itsasoko 20 itsasontzi eta Frantziako beste zortzi egongo lirateke.


Egoera honen aurrean, arrantzaleek gogorki kritikatu dute akordio hau, eta Espinosarekin bilera bat izatea eskatu dute.

Erabaki honi erantzuna emanez, Senatuko EAJko legebiltzar taldeak Elena Espinosak akordioa zehatz mehatz azal dezan eskatuko dio.


Gogora dezagun urtarrilaren 4ean, Josu Erkorekak, EAJko Kongresuko bozeramaleak, Elena Espinosa ministraren agerraldi azkarra eskatu zuela. Bere aburuz, “ antxoa populazioaren egoera benetan larria da, eta arrantzale frantsesak lanera irteten badira, ondorioak ez dute atzera buelta izango”.