Bere mintzaldian, EHUko Errektoreak Lege Proiektu honek 2001ean Alderdi Popularrarekin egindakoa “modu esanguratsuan hobetzen duela” adierazi du. Zentzu honetan, irakaslea modu iraunkorrean izateko Doktore titulua izateko derrigorpena positibotzat jo du. Era berean, akreditazio sistema habilitazioarenagatik aldatzea ere ontzat jo du.

Aitzitik, Pérez Iglesiasek kalitatea hobetzeko oraindik ere hutsune ugari dagoela baietsi du. Honen harira, Errektoreak unibertsitateko ezagupenak enpresara transferitzeko oztopoak kentzeko ahalegina egin behar dela esan du.

Errektoreak, era berean, irakasle izateko bi moduak batean bilakatzeko beharra adierazi du; bai funtzionarioena, edo kontratuarena; bien arteko bateraezintasuna azpimarratuz.

Amaitzeko, Pérez Iglesiasek unibertsitatearen autonomiaren aldeko defentsa egin du, irakaslegoaren promozioa bere eskuetan uzteko, alegia.