Goi Ganbarako Hezkuntza sailak saioa ospatu du gaur arratsaldean; bertan, Hezkuntza Lege Organikoa diktaminatu da. EAJk aipatutako sailean duen bozeramaleak, Javier Maquedak, 24 emendakin defendatu ditu (guztira 337 aurkeztu dira). Horietako seien aldeko babesa jaso du.

Emendakin horien helburu nagusiak unibertsitateen autonomiaren defentsa, unibertsitateen egonkortasuna eta irakasleen mugikortasuna bermatzea izan dira. Era berean, EHUrekin, IVEF, eta Arkitekto eskolarekin hitzartutako hainbat gai ere aldatzea lortu du.

Halaber, irakaslegoaren ikerkuntza independentzia (bai zentru publiko nahiz pribatuetan) eta irakasle ez den pertsonalaren garrantzia areagotzeko ahaleginak ere bere fruituak eman ditu. Bukatzeko, Autonomia Erkidegoen pisua ere nabarmentzea lortu da.

Senatari jeltzalea oso pozik azaldu da lortutakoarekin, baina bukaerako testuari aldaketa gehiago egiteko negoziaziotan jarraituko duela baietsi du.