Gaur goizean Goi Ganbaran hasi den kontrol saioan, Víctor Bravok, Miguel Ángel Moratinos Ministroari Espainiak eta Filipinek zigor kasuetarako firmatu gabe daukaten hitzarmenaren inguruan galdetu dio.

Bere mintzaldian, senatari jeltzaleak sinadura hau 2006ko azarorako aurreikusita zegoela baietsi du; aitzitik, ez zen horrela gertatu, eta ondorio larriak ekarri ditu, "merezi gabe sufritzen ari den jendearen egoera arrazoirik gabe luzatzea adibidez", Paco Larrañagaren kasua aipatuz. 

Moratinosen erantzuna argia izan da zentzu honetan; maiatzean Hitzarmenaren sinadura eta abendua baina lehenago, Gloria Macapagalen bisita dela eta, Hitzarmenaren berrespena izango da.

Gainera, Bravok Moratinos sailburuari Hitzarmen hau bi herrialdeentzat onuragarria izango dela baietsi du; "Filipinak Espainiarentzat Asian sartzeko ate izan daiteke, eta Espainia, Filipinentzat Europan sartzeko ate".