Senatuko Industria Komisioak gaur goizean EAJk eskatutako agerraldia jaso du; Joan Trullén Industria Idazkaria alegia.

Agerraldiaren ondoren, Komisioko presidente eta EAJko Industria saileko bozeramale den Xabier Albisturrek krisiak ekiditeko "Gobernuak industria politikak diseinatzea ezinbestekoa dela" esan du. Zentzu honetan, "Exekutiboak industria politikarik ez duela" baietsi du Albisturrek.

Gainera, egoera honek sektorean "izugarrizko zalantza eta ziurgabetasun" egoera sortu duela adierazi du senatariak, "Ministerioan bertan dagoen koordinazio eza eta Autonomia Erkidegoekiko erlazio gabeziaren ondorioz".

Honen aurrean, Xabier Albisturrek "politika dinamiko eta proaktiboak"eskatu ditu, "gizartearen aktibo garrantzitsuenetakoa berpiz dadin".