Ordezkari jeltzaleak Madrilgo Casa Américak antolatutako mahai inguruan hartu zuen parte atzo. Bere hitzaldian, Xabier Albisturrek "Europan ez bezala, latinoamerikarrek sentsibilitate demokratiko handiagoa dute, eta politikan parte hartzeko gogo gehiago ere" esan zuen; "ondorioz, abstentzioa ere baxuagoa da". Bere aburuz, "hiritarrek politikariek gizartea aldatuko dutela uste dute, baina ez da horrela izaten". Hori dela eta, "politikarien eta hiritarren arteko banaketa gero eta nabarmenagoa dela" baietsi dezakegu", esan zuen Albisturrek.

Gainera, azkenaldian gertatutako botere aldaketei buruz hitz egin zuen; "aldaketa hauek ez dute gizartea modernizatu, eta erregimen zaharrarekiko ez dago aldaketa handirik; ez dago instituzio modernorik, fiskalitatea ez da nahikoa, kapitala ere atzerrira joaten da, eta ez dago politika ekonomikorik".