Senatuko Kultura sailak gaur goizean Juan Ignacio Vidarteren agerraldia jaso du, Guggenheimeko zuzendariarena alegia. Vidartek Guernica koadroaren inguruan hitz egind u.

Javier Maqueda senatariak berriro ere EAJren desioa adierazi du; Guernica koadroa denboraldi batez Bilbon egotea alegia. Bere hitzetan, "ezinbestekoa da Reina Sofía-Guggenheim arteko bilera egitea". Era berean, nazioarteko adituek egoera azter dezaten eskatu du.

Amaitzeko, argi eta garbi utzi nahi izan du informe hauek lekualdaketaren kontra azalduko balira, eskaera bertan behera utziko luketela, "helburu nagusia koadroa Bilbon ahalik eta hoberen egotea baita".