Senatuko Osoko Bilkurak "Liburuaren Lege Proiektua" eztabaidatu du; bertan, Senadore Jeltzaleen Legebiltzar Taldeak Autonomia Erkidegoen eskumenen aldeko emendakina defendatu du Javier Maqueda bozeramalearen eskutik. Bere ustez, testuak ez ditu Autonomia Erkidegoen eskumenak errespetatzen kultura eta liburutegien kudeaketari dagokionez. Gainera, hizkuntza koofizialak ere gutxiesten dituela azpimarratu du.

"Lege honek inor pozten ez duela" eta "azkarregi egin dela" baietsi arren, Kongresuan EAJri lau emendakin onartu zitzaizkiola gogorarazi nahi izan du Maquedak; ondorioz, Legearen alde bozkatuko dutela adierazi du.