Lege ekimenak

Alde batetik, kirolak pairatzen duen xenofobia, arrazakeria eta indarkeriaren aurkako legea defendatuko du Javier Maquedak. Taldeko bozeramaleak, bestalde, Aldedi Politikoek finantziazioa erregulatzeko lege proposamenaren aurrean EAJk pentsatzen duena plazaratuko du. Era berean, Ramon Azurzak, Lan Saileko bi Lege Proiektu defendatuko ditu, Javier Maquedak Ekonomia gaiekin egingo duen bezalaxe. Amaitzeko, Iñaki Anasagasti senatari bizkaitarrak Zigor Kode Militarrarekin zerikusia duen Legearen eztabaidan hartuko du parte.

Gobernuari kontrol saioa  

Kontrol saioa, beti bezala, asteazken goizean hasiko da Exekutiboari hiru galdera eginez; lehenengo, Xabier Albisturrek Medgas gasbidearen inguruan egingo du; bigarrena, Elena Etxegoyen izango da, Gobernu eta Administrazio Lokalaren Oinarrizko Legeari buruz. Eta, azkenik, Iñaki Anasagastik azken osoko bilkuran atzeratutako galdera egingo du; Radio Caracas Televisiónen itxierari buruz alegia.

Honetaz gain, Osoko Bilkuran Gobernuaren Ekonomia Bulegoa arakatzeko Ikerketa Komisioa eratzeko Alderdi Popularrak eginiko proposamena eztabaidatuko da; bertan, Javier Maquedak EAJren jarrera azalduko du.
Nahiz eta komisioek Ekaineko azken astean lanean jarraitu, osoko bilkurak ez dira irailerarte hasiko.