Senatuko Osoko bilkurak gaur goizean Aurrekontuen Egonkortasunerako Lege Proiektua onartu du 2008 urterako. Senatari Jeltzaleen Legebiltzar Taldeak, Xabier Albistur bozeramale izanik, proiektuaren alde bozkatu du, eta aipatzekoa da Taldearen zazpi bozal giltzarri izan direla testuaren onarpenerako.

Bere mintzaldian, senatari jeltzaleak "datuak zuzenak direla" esan arren, "gastu publikoa areagotzeaz gain",  teknologia eta zientzian gehiago inbertitzea eskatu dio Solbes ministroari. Gainera, Alderdi Popularrarekin dituen hika-mikak alde batera uzteaz gain, gai honetan bere Gobernu kideen menpe ez egoteko eskatu du Albisturrek.
Albisturrek, era berean, Kupoaren arazoari irtenbidea eman diezaion eskatu dio Solbes Ekonomia sailburuari, "momentu hauetan desegonkortasun juridikoaz gain, kopuruaren inguruan ere adostasuna lortu behar baita".