Goi Ganberan EAJk duen ekonomia bozeramaleak, Javier Maquedak, "Gobernuak horrelako operazioak egiten dituen lehen aldia ez dela" adierazi du. Senatariaren hitzetan, helburu nagusia Estatuaren egoeraren eztabaidan hitzemandakoa betetzeko egin da; hau da, haur jaioberri bakoitzari 2500 euro emateko alegia. Maquedak azpimarratu duenez, "ezer agindu aurretik, Gobernuak dirua nondik aterako duen aurreikusi beharko luke. Ezinezkoa da kontrolik eta denborarik gabe lehenengo guztion pentsioekin jolastea, eta orain urrea saltzea".

Ondorioz, ordezkari jeltzaleak "seriotasuna" exijitu dio Solbes ministroari, eta Senadore Jeltzaleen Legebiltzar Taldeak egindako agerraldien hiru eskaerak gogorarazi dizkio.