Kultura sailean EAJk duen bozeramaleak, Javier Maquedak, Kultura komisioak onartutako mozioa ere aipatu nahi izan du, ez baita oraindik bete; akordio honek aditzera eman zuenez, Gobernuak Guernica koadroa Euskadira eramateko ahalik eta kontserbazio neurri gehien hartzeko konpromezua bete behar zuen, betiere San Fernando Arte Ederretako Akademiak oniritzia eman ondoren.

Mozioa ez da bete, eta ondorioz, Maquedak "akordioak lortzeak eta lanak zerbaitetarako balio duen" galdetu du. Zentzu honetan, Ministroari Salamancako dokumentuen itzulera ahalbideratuko duen  prozedura onartzeko atzeratzeko arrazoiak azal ditzan eskatuko dio. Rodríguez Zapatero bera izan zen Kataluniarentzat balio zuenak, Euskadirentzat ere balio zuela esan zuena. Ahatik, ekintzek kontrakoa erakutsi dute.

Legealdia amaitzeko denbora oso gutxi geratzen denez, bozeramale jeltzaleak Ministroari "lehenbailehen ager dadin" eskatu dio, "bere polítika orokorra, nahiz gai hauen ingurukoa ezagutaraz dezan".