Iñaki Anasagasti, EAJko senatari eta Senatuko Mahaiko Idazkariak galdera bat aurkeztu du Goi Ganbaran erantzun idatzia jasotzeko asmoz. Bertan, kultura sailean Madril ez den beste "probintzientzat" proiekturik ote duen galdetu dio Gobernuari.

Galdera, Kultura Ministroak atzo egindako adierazpenen ondorioa da. Molinari legealdi amaierarako proiekturen bat zuen galdetu zioten kazetariek, eta bere erantzun bakarra Madrilen  museo bat eraikitzeko asmoa izan zen.

Honen aurrean, eta estatuaren nazioanizatasunari erreferentzia eginez, senatari jeltzaleak Molinari bere lanaren oinarrian Madril ezezik, Estatuko beste nazioak ere kontuan har ditzala eskatu dio.