Javier Maqueda, EAJk Goi Ganbaran duen Kultura bozeramaleak bere "kezka eta harridura" azaldu du "Ministeritzak euskal aldarrikapenen inguruan jartzen duen interes eskasiaren aurrean". Zentzu honetan, uztailaren 10ean EAJk egindako eskaera gogorarazi dio; bertan, Ministro berriak Salamancako dokumentuak euskal instituzioei bueltatzeari buruz eta "Guerinca" koadroa euskal museo batera eramateko aukerari buruzko iritzia eman zezan eskatu zitzaion, baina ez du oraindik erantzunik jaso.


Bozeramale jeltzaleak Exekutiboaren aldetik benetako borondaterik ez dagoela adierazi du, baina Senatuak onartutako mozioa betetzeko exijitu dio; mozio honetan, "Guernica" koadroaren kontserbazio egoerari buruzko informe bat egin zezan eskatzen zion Goi Ganbarak Gobernuari, eta Exekutiboak nahitaez bete behar du. Aitzitik, ez da hala gertatu. Salamancako dokumentuen gaiari dagokionez, Maqueda senatariak Katalunia eta Euskadirentzat tratu berbera eskatu du "bidegabezkoa baita Kataluniarentzat balio duenak, Euskadin baliorik ez izatea".
Amaitzeko, Gobernu sozialistak pasaden urteetan Partido Popularrak egiten zuena egitea salatu nahi izan du senatari jeltzaleak; "Euskal Herriak dituen eskaerak behin eta berriro ukatu, boz emaile espainiarren aurrean ongi geratzeko, arrazoi historikoei kasurik egin gabe". Maquedaren aburuz, "gauza guztiek dute muga bat" eta EAJk eskatzen duena "guztiei tratu bera ematea da"; era berean, Ministro berriari elkarrizketarako eta itxaropenerako denboraldia hasi dezan eskatu dio.