Goi Ganbarak gaur arratsaldez esne kuoten inguruko mozioa eztabaidatu du; bertan, kuoten igoera eskatzen zen, Polonian Europako Batasunak Nekazaritza Kontseiluan esan zuen moduan.

Ramon Azurzak, EAJk Nekazaritza Komisioan duen bozeramaleak, ekimenari babesa eman dio, baina mendialdeko produkzioari kasu gehiago egin behar zaiola baietsi du, "egoera orografikoa dela eta, arazo latzak baitituzte bere ekoizpena aurrera eramateko"; honetarako, "nolabaiteko esku-hartze publikoa eskatu du, bai esne kuotak ezarriz, edo bestelako sistemen bidez".

Ekimena, transakzio bidez aho batez onartu du Senatuak.