Erantzun ugari jaso du Sustapen Ministeritzak atzo hartutako erabakiak; bertan, Hondarribiako aeroportuko pista txikitzeko planari baiezkoa eman ezezik, obrak esleitzeari ekin zioten. Senadore Jeltzaleen Legebiltzar Taldeko kidea den Lore Leanizbarrutiak esan duenez, "bai alderdi politikoek eta baita Ortzibiak (Foru Aldundia, Donostia, Irun eta Hondarribiako udaletxeak, Eusko Jaurlaritza eta Merkataritza Ganbera) adostutakoari  Magdalena Álvarezek zuzendutako Ministeritzak ez dio inolako jaramonik egin". Ondorioz, eta atzo Jose Ramon Beloki diputatuak egin zuen moduan, Leanizbarrutiak obrak gelditzeko exijitu dio Gobernuari.