Goi Ganbarak gaur Gobernuaren kontrol saioa ospatu du; bertan, Leanizbarrutia senatari jeltzaleak hartu du parte, eta Elena Salgado ministroari Toki Araubidearen Oinarriak arautzen dituen Legeak jarraituko dituen pausuen inguruan galdetu dio. Salgadok legealdi honetarako lana dela esan ondoren, Leanizbarrutiak "kudeaketa politikorako tokiko administrazioa estrategikoa dela" baietsi du, "herritarrek gertuen duten instituzioa" delako. Honen arira, Exekutibo sozialistari Senadore Jeltzaleen kolaborazioa eskeini dio, betiere, lege hau "lehenbailehen" tramitatu dadin.