Iñaki Anasagasti, Europar Batasunerako Batzorde Mixtoko bozeramailea, Kongresuan egon da gaur goizean Diego López Garrido Estatuko Idazkariaren agerraldian hain zuzen.  Senatariaren diskurtso nagusia Lisboako Itunaren inguruan izan da, izan ere Irlandak pasaden astean ezezkoa eman zion testuari; zentzu honetan, ordezkari jeltzaleak politikari europearrek egindako adierazpenen aurrean harrituta geratu dela esan du, Irlandako porrotari inolako garrantziarik eman ez diotelako, eta Itunarekin aurrera jarraitzea erabaki dutelako. Honen aurrean, Anasagastik "oraindik akordioa berresteko zortzi herrialde falta direla" ohartarazi du, eta "horietako asko ez daude testu honen alde". Hori dela eta Europa "krisi sakona bizitzen ari dela" gaineratu du Anasagastik, eta Exekutiboari Europarekiko dagoen higuinaren aurrean neurriak har daitezela" eskatu dio.


Amaitzeko, EAJko bozeramaileak Joku Olinpikoekiko zein iritzi duen galdetu dio, izan ere, Rodríguez Zapaterok atzo esan zuenaren arabera, Espainiaren lehentasunetariko bat heriotza zigorraren aurkako politika da, eta, kontuan izan dezagun, Txinan oraindik, indarrean dagoela.