2012/11/07

Zubia: “Senatua benetako lurralde Ganbera izan dadin, konstituzioaren erreforma egin behar da "

Joseba Zubia Senatuan EAJren Euzko Abertzaleak legebiltzar taldearen bozeramaileak deitoratu duenez, bere historiako 34 urteotan Senatua "Kongresuaren bigarren erakundea izan da" eta Ganbera honekiko mesfidantzak ugaritu dira "asko baitira bere funtzioa zalantzan jartzen dutenak". Defendatu duenez, "Senatua benetako lurralde Ganbera izan dadin, Konstituzioaren erreforma egin beharko litzateke", hau da, Senatuaren funtzioak erreformatu behar dira, baina baita bere osaketa eta ordezkariak aukeratzeko modua ere. Gaineratu duenez "izaera berezituek Ganberan islatuta egon beharko lukete".