Estatuko Aurrekontu Orokorretako eztabaida berean, Euskal Taldeko senataria den Maria Eugenia Iparragirrek espainiar gobernuak euskal “Y”-arekin daukan konpromiso falta azpimarratu du.

Senatari honek eta bere taldeak behin baino gehiagotan adierazi dute ezinbestekoa dela gobernu honen zein aurreko espainiar gobernuen partetik, hartutako konpromisoak betetzea, “beste behin hainbat aldiz atzeratutako epeekin inolaz ere bete ezingo duten aurrekontu batzuk aurkezten zaizkigu”, esan du Iparragirre senatariak.

Euskal Taldeko senatariak gogorarazi die hau izan dela esanetatik ekintzetara pasatzeko unea, “euskal proiektuarekin duten konpromisoa bete ahal izateko beharrezkoa den aurrekontu partida bat zuzenduz”.

Amaitzeko, Maria Eugenia Iparragirre senatariak azaroaren amaieran eurokamarako osoko bilkurak jakinarazitakoa gogorarazi du; euskal “Y”-ak atzerapenak izango dituela Madrilek ez baldin badu berea betetzen.