Anasagastik "Nola izan daiteke Afredo Kindelánek demokrazia batean Ejertzitoaren Katedra bati izena ematea?" esanez egin duen galderaren aurrean, PPk zera erantzun du "Katedrak Alfredo Kindelán Duany  izena du pentsamendu eta dotrina aeronautikoaren garapenean egin zuen ekarpenagatik, Espainiako areronautika aitzindarien ordezkari gorena delako eta Espainiako aeronautika militarraren sorreran pertsona esanguratsua izan delako".

Rajoyren Gobernuak eman duen erantzunean ere gaineratzen da Kindelán Honoris Causa Doktore izan zela Dublingo Unibertsitatean, Historiaren Errege Akademiako zenbakidun kide  eta aeronautika militarrarekin zerikusia duten hainbat lanen egile.

Senatari jeltzaleak erantzun honen aurrean adierazi du bere ezinegona, eta gainezarri du halako jarrerak onartezinak direla demokrazia batean.