Euskadiko eskaintza turistikoa ezagutzera emateko, Eusko Jaurlaritzak 700 metro koadroko esparrua prestatu du, euskal ikonografiaz apaindutako egurrezko kutxa handietan banatuta; kanpoaldean zuri-beltzezko argazki indartsuak dituzte, barrualdea koloretsuago agertuz. Kutxa bakoitzak leku sorta bat adierazten du: hiriak (Bilbo, Donostia eta Gasteiz), Euskal Kosta, Arabar Errioxa,  edo mendi eta haranak. Gainera, gastronomia eta enoturismo kutxa bat eta Euskadiri buruzko informazio orokorra emateko beste bat ere izango dira. Esparruan hogei mahai dituen lanerako leku bat ere badu, arloko profesionalekin egon ahal izateko.

Eustateko datuen arabera, iaz 2.424.832 turistek eman zuten gauren bat Euskadiko hoteletan, aurreko urtean baino %2,4 gehiago.