Ekimenaren asmoa maiatzaren 31tik ekainaren 7ra bitartean Goi Ganberako zenbait ordezkarik Jerusalenera egingo duten bidaia prestatzea izan da, bertan bisita instituzional batzuk egingo dituzte eta. Euzko Abertzaleak Taldetik Rut Martínez, María Eugenia Iparragirre eta Jokin Bildarratz joango dira Palestina eta Israelera. Hain zuzen ere, Bildarratz bozeramailea izan da senatariek eurek ordainduko duten bidaia honen sustatzailea. Gainontzeko taldeetatik Ester Capella (ERC), Dionisio García eta María Dolores Pan (PP), Mónica Almiñana (Entesa) eta Maria Teresa Rivero (CiU) senatariek hartuko dute espedizioan; hauez gain, Alderdi Popularreko aholkularia den Patricia Guillot, eta Amaiur Taldeko diputatua den Jon Iñarritu ere Ekialde Hurbilean izango dira.