Galiziako abertzaletasun progresistaren ordezkari nagusi eta Partido Galeguista delakoaren sustatzailearen aldeko omenaldia Rianxon egin da, Castelaoren jaioterrian, eta honek joan den mende hasieran Galeuscaren sorreran bete zuen paper garrantzitsua gogoratu du Senatuko EAJren bozeramaileak. Bide batez, alderdi abertzaleek etorkizunean izan beharko luketen lankidetzaren eredu moduan aipatu du Bildarratzek.

Rianxon dagoen Castelaoren bustoaren aurrean egindako ekitaldian Galiziako hainbat intelektual eta politikok ere hartu dute parte; adibidez, Manuel Suárez, Alderdi Galeguistakoa; Antón Sánchez, Anovakoa; edota Carlos Mella, Fundación Castelaoren izenean. Hauez gain, Galiziako alderdi politiko guztien ordezkariak ere gerturatu ziren. Bertan, Galiziako alderdi abertzale guztien arteko lankidetza eta elkarlanaren aldeko jardunaldi nazionala deitzea adostu da.