Victoriano Gallastegi, EAJren ordezkaria, Senatuko Adin Mahaiko presidente moduan aritu da berriz ere Senatua eratzeko saioan Goi Ganberako politikari zaharrena izanagatik. 75 urterekin, joan den urtarrilaren 13an hamaikagarren legegintzaldiaren hasieran bete zuen ardura berbera bete du hamabigarren agintaldiaren estreinaldian.

Senatua eratu ahal izateko behin behinekoz aritzen den gobernu organoak behin betiko Mahaia eratzeko bozketa zuzendu du eta bertan Maria Eugenia Iparragirre jeltzalea Senatuko Mahaiko Hirugarren Idazkari moduan hautatu dute Goi Ganberako ordezkariek, aurreko legealdian Laugarren idazkari izan ostean. Mahaiko presidentea, beste behin, Alderdi Popularreko Pio Garcia-Escudero izango da.