EAJren senatari eta Senatuko Mahaiko Hirugarren Idazkaria Goi Ganberako erakunde Exekutiboak Generalitateko Presidentak Kataluniari buruz duen ikuspegia azaltzeko hitzaldia Senatuan egiteko egin zuen eskaerari eman zaion erantzunarekin desados agertu da. Maria Eugenia Iparragirreren iritziz, Carles Puigdemonti Autonomia Erkidegoetako Batzorde Nagusira joan dadila soilik proposatu izana “ez da nahikoa maila politiko hau duen eskaera batentzat”.

Orain arte EAJk erakutsi duen iritziaren harira, Carles Puigdemonti berak eskatutako  hitzaldi formatuan Goi Ganberako egoitzan parte hartzeko aukera ematearen alde agertu da Iparragirre. “Duen garrantziarekin baloratu behar dugu Katalunia bezlaako Autonomia Erkidego bateko agintari nagusiak Gorte Orokorretako lurralde ordezkaritza Ganberara etorri nahi izana Estatu espainiarrean gaur egun dagoen lurralde arazo handienari buruz duen iritzia emateko”, jakinarazi du Iparragirrek.