Prentsa Aretoa

2017/07/12

EAJk Euskadin eta Espainian izan diren hilketa terrorista guztiak gaitzetsi ditu, eta haien egileei sortu zuten kalte bidegabea onar dezatela eskatu die

Miguel Angel Blancoren hilketaren 20. urteurrenean, Senatuko Euzko Abertzaleak Taldeak adierazpen instituzionala egiteko proposamena aurkeztu du baina ez du Alderdi Popularraren erantzunik jaso.

rss Ezagutzera eman
EAJk Euskadin eta Espainian izan diren hilketa terrorista guztiak gaitzetsi ditu, eta haien egileei sortu zuten kalte bidegabea onar dezatela eskatu die

ARGAZKIA JAITSI

Euzko Abertzaleak Taldeak duela 20 urte Miguel Angel Blancoren heriotza eragin zuen atentatua gaitzetsi du, baita Euskadi eta Espainiako gizarteek sufritu zituzten gainontzeko beste atentatu terrorista guztiak ere. Goi Ganberako Talde Parlamentarioei adierazpen instituzionala adosteko egindako proposamenean, jeltzaleek atentatu haien egileei “sortu zuten kalte bidegabea onar dezatela” eskatu diete, “etorkizuneko elkarbizitzarako ezinbesteko” eginbehar bezala. EAJren iritziz, elkarbizitza hori “errespetua eta tolerantzian oinarritu behar da, baita egiaren ezagutzan eta biktimen oroimenaren biziraupenean ere”.

Indarkeria eta terrorismoa sufritu duten biktimenganako hurbiltasuna eta elkartasuna helarazteaz gain, alderdi jeltzaleak Euskadi eta Espainiako gizarteek duela 20 urte eman zuten gizalegezko erantzuna ere goraipatu du, Ermuko Alderdi Popularreko zinegotzia erail zutenean.

Euzko Abertzaleak Taldeak Talde Parlamentario guztiak onartzeko moduko testua proposatu nahi izan du, atzo Kongresuan eman zen desadostasuna gainditzeko asmoz, baina Talde Popularrak ez dio inolako erantzunik eman proposamenari.  Atzo Behe Ganberan gertatu zen bezala, gaur ere PP, PSOE, Podemos eta Ciudadanos alderdien proposamena EAJk ekarpenik egiteko margenik gabe aurkeztu dute. “Osoko Bilkuraren aurreko Bozeramaileen Batzordearen amaieran aurkeztu didate; horrek pentsarazten digu desadostasuna azpimarratu nahi izan dutela eta, gure iritziz, Miguel Angelen oroimena errespetatzeko, eta bere familia eta Euskadi eta Espainiako gizartea errespetatzeko, ETAren terrorismoa sufritu duten guztiei omenaldia egiteko adostasuna bilatu beharko genuke”.

Emakumeen aurkako indarkeriari ez
Alderdi Eguna 2017
Jarrai iezaguzu Telegramen
  • Jokin Bildarratz

    Jokin Bildarratz

    Senatuko Euzko Legebiltzar Taldearen bozeramailea

    SARTU

  • Mª Eugenia Iparragire

    Mª Eugenia Iparragire

    Senatuko Euzko Legebiltzar Taldea

    SARTU

  • Jose Mª Cazalis

    Jose Mª Cazalis

    Senatuko Euzko Legebiltzar Taldea

    SARTU

  • Nerea Ahedo

    Nerea Ahedo

    Senatuko Euzko Legebiltzar Taldea

    SARTU

  • Victoriano Gallastegi

    Victoriano Gallastegi

    Senatuko Euzko Legebiltzar Taldea

    SARTU

  • Mª Dolores Etxano

    Mª Dolores Etxano

    Senatuko Euzko Legebiltzar Taldea

    SARTU