Euzko Abertzaleak Taldeak Nazio Batuen Ekialde Hurbileko Palestinar errefuxiatuen (UNRWA) Agentziako Zuzendari Exekutiboak Senatuan agerraldia egitea eskatu du. Jeltzaleen asmoa Raquel Martí Goi Ganberako Kanpo Gaietarako Batzordearen hurrengo bileran izatea da.

2017 honetan hamar urte bete dira israeldarrek Gazaren blokeoa hasi zutenetik, bertako biztanleen %80 nazioarteko laguntzaren pentzu utzi duen isolamendua hasi zutenetik, horregatik eremuaren gaur egungo egoera zein den jakin nahi dute EAJko ordezkariek. Horrez gain, gai honen inguruan Nazio Batuen barruan zeintzuk ekimen egiten ari diren ere hurbilagotik ezagutzeko informazioa eskatuko diote UNRWAko zuzendariari, baita Nazio Batuen Ekialde Hurbileko Palestinar errefuxiatuen Agentziak sustatzen dituenak.