Prentsa Aretoa

2018/03/06

EAJk Trebiño eta Argantzungo alkateen agerraldia eskatu du Senatuan

Trebiñoko enklabeko ordezkari lokal nagusiek udalerri bien egoeraren aurrean biztanleek dituzten aldarrikapenak eta egoera hau lehenbailehen eta behin betiko konpontzeko beharra Autonomia Erkidegoetako Batzordean aurrez aurre azaldu ahal izatea da helburua.

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

  • EAJk Trebiño eta Argantzungo alkateen agerraldia eskatu du Senatuan
    2018/03/06

    ARTXIBOA JAITSI

Senatuko Euzko Abertzaleak Taldeak Trebiñoko Konderriko eta Argantzungo alkateen agerraldia eskatu du Goi Ganberan udalerri bien egoera azal dezaten, horrela Burgoseko enklabea Araban integratzeko helburuarekin aurrera egiten jarraitzeko.

EAJko Jose Maria Cazalis senatariak Elena Ramirez eta Roberto Ortiz de Urbina Autonomia Erkidegoetako Batzordera joan daitezela eskatu du udalerri bietako biztanleek Araban integratzeko dituzten motibazioak aurrez aurre azaldu ahal dezaten.

Euzko Abertzaleak Taldearen iritziz, inork ezingo du hobeto azaldu herri horietako errealitatea bertako alkateek baino, bereziki joan den irailean enklabeak duen arazoari irtenbide bat bilatzearen aurka bozkatu zuten senatarien aurrean; besteak beste, Arabatik hautatutako Alderdi Popularreko senataria, Alderdi Sozialistako euskal senatari autonomikoa eta Arabatik hautatutako Podemoseko senataria. Azken hau, gaur egun Talde Mistoan dagoena, ez zen egon bozketan.

Debate hartan, EAJk kontsentsua bilatze aldera aurkeztu zuen emendakina ere atzera bota zen. Bertan, “lurralde mugak aldatuz Trebiñoko enklabea Arabako Lurralde Historikoarekin bat egin ahal dadin inplikatutako erakunde guztien parte hartzea bermatuko lukeen lan talde bat sortzea” proposatu zuen Euzko Abertzaleak Taldeak, “Gorteek onartu beharko luketen lege organikoa barnean hartuko lukeen erresoluzio proposamena egin dezan”.

Jarrai ezazu Gurekin
Next Euskadi
Aberri Eguna 2018
  • Jokin Bildarratz

    Jokin Bildarratz

    Senatuko Euzko Legebiltzar Taldearen bozeramailea

    SARTU

  • Mª Eugenia Iparragire

    Mª Eugenia Iparragire

    Senatuko Euzko Legebiltzar Taldea

    SARTU

  • Jose Mª Cazalis

    Jose Mª Cazalis

    Senatuko Euzko Legebiltzar Taldea

    SARTU

  • Nerea Ahedo

    Nerea Ahedo

    Senatuko Euzko Legebiltzar Taldea

    SARTU

  • Victoriano Gallastegi

    Victoriano Gallastegi

    Senatuko Euzko Legebiltzar Taldea

    SARTU

  • Mª Dolores Etxano

    Mª Dolores Etxano

    Senatuko Euzko Legebiltzar Taldea

    SARTU