Victoriano Gallastegik Loiolako kuartelak hirigunetik ateratzea ahalbidetuko duen irtenbide bat bila dezala eskatu dio defentsa ministroari, lurzorua Donostiako Udalak erosi ahal dezan. EAJko senatariak Ministerioak eta Udalak gai honen inguruko akordioa lortzeko beharra azaldu dio Margarita Roblesi, “Gipuzkoako hiriburuaren garapen urbanistikoaren ikuspuntutik berebiziko garrantzia duen gaia delako”. Roblesek lurzoruaren erabileraren inguruko arazoak daudela jakinarazi du eta Estatuko Ondare Legearen markora lotu da irtenbide hori lortze aldera.