Next Euskadi

Prentsa Aretoa

2020/07/15

EAJ-PNVren ekimenez, Senatuak Azterketa Ponentzia bat sortuko du migrazioaren fenomenoa hainbat sektoretan lantzeko

Nerea Ahedoren ustez, "funtsezkoa da inplikatutako eragile guztien arteko elkarrizketa: adituak, elkarteak, migratzaileak... migrazio-politika solidarioa, arduratsua eta kooperatiboa izateko adostasuna lortzeko".

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

EAJ-PNVren ekimenez, migrazioaren fenomenoa modu integralean hainbat sektoretan jorratzea helburu izango duen Azterketa Lantaldea sortzea onartu du gaur Senatuak. Ganberaren babes osoarekin onartuta, abstentzio bat izan ezik, ponentzia Goi Ganberako Lan, Gizarteratze, Gizarte Segurantza eta Migrazio Batzordean garatuko da, eta beharrezkotzat jotzen diren lege-aldaketetarako orientazio gisa eta migrazio-politika solidario, arduratsu eta partekaturako oinarri gisa balioko duten ondorioak eta gomendioak lortzea izango du helburu.

Nerea Ahedoren hitzetan, "funtsezkoa da eragile guztien arteko elkarrizketa: adituen, elkarteen eta migratzaileen artekoa, migrazio-politika solidarioa, arduratsua eta kooperatiboa izateko akordioa eta adostasuna lortzeko". Fenomeno horren errealitate desberdinak azaltzeaz gain, hainbat erakunderen inplikazioa ere egiaztatu du ordezkari jeltzaleak. "Estatuko eta Europako planteamendua izan behar du. Ez zaigu gustatzen 'Europa gotorlekua': Turkiari ordaintzen diona edo Lesboseko lotsa eragiten duena. Ezin dugu ahaztu, halaber, autonomia-erkidegoen eta toki-erakundeen funtsezko eginkizuna, zeresan handia baitute".

EAJ-PNVren iritziz, indarrean dagoen legediak ez die egungo beharrei erantzuten, eta Atzerritarren eta asiloaren Legea aldatzeko eskatzen du. "Legezko migrazio segurua eta ordenatua egiteko, araudi- eta funtzionamendu-esparruaren erreforma serio bat behar da". Azaldu duenez, migrazioa egiturazko fenomeno aldakorra da, eta "erantzun egokia eman behar diogu, pertsona guztien eskubideak bermatuko dituena". Epe ertain eta luzeko lanaz haratago, Ahedok premiazko irtenbideak eskatu ditu, besteak beste, jeltzaleek behin eta berriz lan kontratuei eta prestakuntza prozesuei lotutako bizileku baimenak ematea, "Autonomia erkidegoetatik eman daitezkeenak", gaineratu du.

Next Euskadi
  • Jokin Bildarratz

    Jokin Bildarratz

    Senatuko Euzko Legebiltzar Taldearen bozeramailea

    SARTU

  • Nerea Ahedo

    Nerea Ahedo

    Senatuko Euzko Legebiltzar Taldea

    SARTU

  • Mª Dolores Etxano

    Mª Dolores Etxano

    Senatuko Euzko Legebiltzar Taldea

    SARTU