Almudena Otaolak Artistaren Estatutua delakoaren betetzean aurrera egiteko beharra azpimarratu du, eta duela bi urte bertan jasotako konpromisoen ezarpenaren kronograma bat eskatu du, konpromiso horiek ia ez direlako garatu. EAJ-PNVko senatariak "kulturako profesionalen estatutua" izena nahiago duela azpimarratu du, laguntza ekimen batzuek sektorearen zati handi bat kanpoan uzten dutela gaitzetsiz. "Dirudienez, ez duzue sektorea ezagutzen, ezta bertan lan egiten duten askotariko pertsonak ere", azpimarratu du.

Gaurko Kultura Batzordean sektoreari laguntzeko neurriak hartzeari buruz egin den eztabaidan, Otaolak Euskal Autonomia Erkidegoaren, Foru Aldundien eta Udalen eskumenak errespetatzea eskatu du, eta, beraz, "gehienez, hauek egiten dituzten ekintza horietarako ezohiko baliabideak ematea" iradoki du. Azkenik, senatari jeltzaleak Kultura funtsezko zerbitzu gisa egin zen Adierazpena gauzatzea eskatu du, "horrela, konfinamendu bat emango balitz, aukera emango litzateke, adibidez, liburu-dendak ez ixteko eta liburuak, filmak... erosi ahal izateko definizioz aisialdikoak diren espazioetan barik, kultura-produktuen kontsumokoak direnetan".