Maribel Vaquero EAJ-PNVko senatariak lidergo partekatuetan oinarritutako eta beste eragile publiko eta pribatu batzuekin adostutako Agenda 2030 sortzea defendatu du. Garapen Iraunkorreko Helburuak lortzeko Estrategiaren Koordinazio eta Jarraipenerako Batzorde Mistoan Agendarako Estatu Idazkari den Ione Belarrak egindako agerraldian, bozeramaile jeltzaleak Espainiako Gobernuari eskatu dio autonomia erkidegoei elkarrizketarako espazio propioak berma diezazkiela, beren eskumenekin bat datozen baterako gobernantzako planteamendu batetik. "Estatuak hitzarmenerako ahalegina egin behar du, planteamendu europazale batetik abiatuta, herrialdeek eta eskualdeek ildo partekatuetan dituzten gaitasunak hobetzeko, eta Europar Batasunean Agenda ezartzeko, prospektiba estrategikoaren ikuspegitik, non Estaturik gabeko azpiestatuek, eskualdeek eta nazioek, hala nola Euskadik, beren ekarpena egin ahal izango duten eta ahots propioa izango duten", adierazi du Vaquerok.