EAJ-PNVko Juan Carlos Medina senatariak ezezkoa eman dio berreraikuntzarako Europako funtsek tokiko erakundeei egiten dieten ekarpena handitzeari, "baldin eta, beldur garen bezala, erkidegoei zuzendutako ekarpenak gutxitzen baditu. Ezin dugu santu bat erantzi beste bat janzteko ", esan du. Izan ere, Medinak ohartarazi du Talde Popularrak Goi Ganberako Tokiko Erakundeen Batzordean aurkeztutako mozioak ez zuela zehazten nondik etorriko zen finantzazio gehikuntza hori. Senatari jeltzaleak tokiko erakundeek, "batez ere txikienek", oinarrizko zerbitzuak emateko izan duten "funtsezko papera" goraipatu du, eta bidezko finantzaketa eskatu du.