Maribel Vaquerok lehentasunezko trenbide sareak amaitzean zentratu dadila eskatu dio Estatuko Gobernuari, Ardatz Atlantikoaren kasuan bezala. Senatuan Pirinioen Erdialdeko ibilbidea bultzatzeari buruz egindako eztabaidan, EAJ-PNVko ordezkariak gogorarazi du EBk lehentasunezkotzat jo zituela Mediterraneoko eta Atlantikoko trenbide-ardatzak, eta, errentagarritasunaren ikuspuntutik ere, Ministerioak berak egindako azterketen arabera, horiek direla Frantziara eta Erdialdeko Europara igarotzeko linearik errentagarrienak. "Estatuak ahalegin guztiak egin behar ditu TENT-T lehentasunezko sareak (Atlantikoko eta Mediterraneoko korridoreak) amaitzeko, eta dagoeneko pilatuta daudenak baino atzerapen gehiago ez izateko garaia da: Europak azpiegitura horiei esleitutako funtsak galtzea eragiten duten atzerapenak, aukerak galtzea eta konpromisoak ez betetzea eragiten duten atzerapenak", adierazi du.

Halaber, Vaquerok gogora ekarri duenez, legegintzaldi hasieran Mugikortasun Estrategia berri baten diseinuaz hitz egin zuen Jaurlaritzak, "horrekin kezkatu ginen, Estatuaren historikoa ikusita, horrek azpiegiturak birformulazioa ekarriko ote zuen, aurrekoak amaitu gabe direnean". Hori dela eta, "Plangintzez eta birplangintzez gain, konpromisoak bete eta gauzatu" behar direla ohartarazi du.