EAJ-PNVko Luke Uribe-Etxebarria senatariak Europako Funtsen Espainiako Planaren aplikazioa Euskadiko errealitatearekin bat etor dadila eta industria susta dezala eskatu dio Ekonomia Gaietarako eta Eraldaketa Digitalerako presidenteordeari. Europar Batasuneko Batzorde Mistoan, ordezkari jeltzaleak Nadia Calviño presidenteordeari esan dio "eredu ekonomikoaren eraldaketak industriarekiko, zientziarekiko, teknologiarekiko edo giza kapitalarekiko diskriminazio handiagoa" eskatuko lukeela, eta lehentasun hori “ez da ikusten" planean. Industria "Euskadiko DNA politiko, ekonomiko eta sozialaren parte" dela agerian uzteaz gain, Uribe-Etxebarriak mundu osoko lehiakortasunean, ongizatean eta oparotasunean duen eginkizun erabakigarria egiaztatu du. "Guztiok bizi dugun iraultza digital, berde eta inklusibo berriari aurre egiteko oinarria da", azpimarratu du.

Bestalde, Uribe-Etxebarriak Europako Funtsek ekoizpen-sarearen eraldatzaile gisa duten eginkizuna azpimarratu du; horregatik, Planak susperraldiaren ideia pribilegiatzeko arriskua dagoela deitoratu du, ahalmen eraldatzaile horren kaltetan. "Pandemiaren aurreko Barne Produktu Gordinaren maila ahalik eta azkarren berreskuratzeko beharra azpimarratzen du; izan ere, zuon Gobernuak 2023. urtearen amaieran 70.000 milioi euroen exekuzioa aurreratu duela ematen du, Batzordeak berak 2026. urtearen amaierara arte gauzatzea baimentzen duenean", ohartarazi du. Era berean, kritikatu duenez, "Gobernuak ez ditu autonomia-erkidegoak Planaren diseinuan parte hartu, gainera, hauek arduratuko direnean baliabide guztien %50 betetzeaz, eta kudeaketa-gomendio soilak baino ez dituzte jasotzen, baita haien eskumenekoak diren politika publikoen kasuan ere. Gure ustez, egoera horrek eredu autonomikoa kaltetzeaz gain, funtsak gauzatzeko eta xurgatzeko gaitasuna murriztu dezake ".