Senatuko Euskal Taldearen bozeramailea gaur izan da “Espainiako hiriak neutraltasun klimatikoaren erronkaren aurrean. CitiES 2030-en aurkezpena” izeneko ekitaldian, zeina 2030ean Europako 100 hiri klimatikoki neutro bihurtzeko helburuarekin egin baita. 

Ekitaldian Vitoria-Gasteiz hiriburuak ere parte hartu du, eta Gorka Urtaran Alkateak adierazpen instituzionala izenpetu du eta Ione Belarra Giza Eskubideen eta 2030 Agendaren Ministro andrea buru izan duen mahai inguruan parte hartu du. 

Senatuan egin den topaketa laburrean, Estefanía Beltrán de Heredia bozeramaileak, Arabako hiriburuko alkateak eta Ana Oregi Lurralde eta Klimaren aldeko Jardunbiderako departamentuko zinegotziak hirien jasangarrian eta neutraltasun klimatikorako bidean aurrea egiteko beharraz hitz egin dute. Beltrán de herediak Vitoria-Gasteizko Udalak eginiko lana balioetsi du karbonoan neutro izateko helburua duten hirietako bat izanik. Bozeramaile jeltzaleak euskal hiriburuan duen konfiantza adierazi du eta gogoratu du Europako Batzordeak “Green Capital” izena eman ziola iragan 2012an.