Asteburu honetan Nazioarteko Batzorde Paralinpikoaren hogeigarren Batzar Nagusia egin ondoren, Almudena Otaola EAJ-PNVko senatariak zenbait galdera idatzi aurkeztu ditu Espainiako Gobernuak Joko Paralinpikoetan Down sindromea duten pertsonentzako kategoria espezifiko bat sortze aldera egin dituen gestioen jarraipena egiteko.

Iazko abenduan, EAJ-PNVren ekimenez, Senatuak aho batez agindu zion Espainiako Gobernuari helburu horrekin beharrezko ekintzak abian jar zitzala, horregatik Otaolak aipatutako agindu parlamentarioa benetan bete den galdetu du, baita zein izan den horren emaitza eta zein diren Espainiako Gobernuak arlo horretan etorkizunerako aurreikusten dituen urratsak.