Next Euskadi
Aberri Eguna 2024

Prentsa Aretoa

2022/01/26

Nerea Ahedok Estatuen eta eskualdeen erantzunkidetasuna eskatu du Europako Kontseiluan migrazioaren fenomenoari aurre egiteko

Estatuz azpiko gobernuen “funtsezko zeregina” nabarmendu du, Euskadirena bezala, “harrera, artapena eta integrazioa egin, eta lankidetzarako eta erantzun koordinaturako prest daudenak direlako”.

rss Ezagutzera eman
Nerea Ahedok Estatuen eta eskualdeen erantzunkidetasuna eskatu du Europako Kontseiluan migrazioaren fenomenoari aurre egiteko

ARGAZKIA JAITSI

Nerea Ahedok Europar Batasuneko estatuen eta eskualdeen erantzunkidetasunaren garrantzia azpimarratu du Europako Kontseiluko Asanblada Parlamentarioaren aurrean migrazio-fenomenoari aurre egiteko. Migrazioari eta asiloari buruzko Europar Batasunaren Itunari buruz aste honetan egin den ebazpen baten eztabaidan, EAJ-PNVren ordezkariak estatuz azpiko gobernuen “funtsezko eginkizuna” nabarmendu du, hala nola Euskadirena; izan ere, “harrera, artapena eta integrazioa egin, eta lankidetzarako eta erantzun koordinaturako prest daudenak direlako”, eta adibide gisa jarri du Eusko Jaurlaritzak aurkeztutako ‘share’ proposamena.

Europako Itunak behin eta berriz aplikatzen dituen neurrien eraginkortasunik eza aipatzeaz gain, hala nola beroan itzultzeak, bermerik gabeko kanporatzeak eta itsas salbamendua zailtzen dituen mugen kontrola, edo baita giza eskubideen errespetua beti bermatzen ez duten hirugarren herrialdeetan kanporatzea, Ahedok beharrezkotzat jo du barne-mugetan gertatzen denari heltzea, Europako beste herrialde batzuetara igarotzen diren lurraldeetan muga-pasabideak ixten direlako eta, ondorioz, Schengen eremuan arbitrarioki egindako itzulketak ematen direlako. “Horrek segurtasun falta sortzen du migratzaileentzat eta pertsonekin trafikatzen duten mafien gorakada, eta korridore humanitarioak sortzearen ezezkoarekin egiten dugu topo”.

EAJ-PNVko senatariak aldarrikatu du pertsona eta bere eskubide guztien errespetua migrazio-politikaren erdigunea izan behar direla, eta aldarrikatu du talde ahulentzako arreta eta asilo-eskatzaileen figura eta profilak berriz ebaluatzeko beharra; era berean diskurtso guztiak ez daitezela asiloan zentratu eskatu du, nazioarteko babes-figuretan lekurik ez duten beste migrazio mota batzuk ahaztuta, orain arte ezarritako beste formula batzuen ondorioz Europan sartzen ez direnak.

 

Next Euskadi
Ezagutu Gure Senatariak